Enchiridion ~ Prūsiskai
(1561)

1. Stai Dessimton
2. Pallaipsai kāigi stans ains
3. Butti Tāws, swaiāsmu sei-
4. mīnan preigērbt turri.
5. Stas Pirmois Pallaips.
6. Tou niturri kittans Deiwans pagār
7. mien turrītwei.
8. Ka ast sta billīton? Ettrais.
9. Mes turrimai Deiwan stan Rikijan kirscha
10. wissan powijstin biātwei bhe mijlan turīt, bhe stes-
11. mu auschaudītwei.
12. Stas Antars Pallaips.
13. Tou turri stan Emnan twaisei Dei-
14. was ni enbāndan westwei.
15. Ka ast sta billīton? Ettrais.
16. Mes turrimai Deiwan stan Rikijan kirscha

1. wissan powijstin biātwei, bhe milijt, kai mes sen ten-
2. nēison emnen, ni nideiwiskan gunnimai, ni wertem-
3. mai, klantemmai, bebinnimai, waidleimai, adder
4. mēntimai bhe paikemmai, Schlāit stansubban en-
5. wissai nautei enwackēimai, Posinnimai, girrimai
6. bhe dinkauimai.
7. Stas Tīrts Pallaips.
8. Tou turri stan Lānkinan Deinan
9. Swintint.
10. Ka ast sta billīton? Ettrais.
11. Mes turrimai Deiwan stan Rikijan kirscha
12. wissan powijstin biātwei bhe milijt kai mes stan
13. preddikausnan bhe swaian wirdan ni perweckam-
14. mai schlāit stansubban Swintan lāikumai, reide
15. klausēmai, bhe mukinnimai.

16. Stas Kettwirts Pallaips.
17. Tou turri twaian Tāwan bhe Mūtien
18. smūnint kai tebbe labban ēit bhe ilgi giwassi
19. nosemien.
20. Ka ast sta billīton? Ettrais.

1. Mes turrimai Deiwan stan Rikijan, kirscha
2. wissan powijstin, biātwei bhe milijt, kai mes tennēi-
3. son paggan, noūsons, Vraisins bhe Rikijans, ni
4. perweckammai neggi ernertimai, Schlāit stans en
5. smūnin lāikumai, bhe stēimans schlūsimai, poklu-
6. smai, mijlan bhe teisīngi lāikumai.
7. Stas Piēncts Pallaips.
8. Tou niturri gallintwei.
9. Ka ast sta billīton? Ettrais.
10. Mes turrimai Deiwan stan Rikijan kirscha
11. wissan powijstin biātwei bhe milijt, kai mes tennēi-
12. son paggan, noūsesmu Tawischen, en swaiāsmu
13. kermnen, ni ainan schkūdan bhe wargan seggē-
14. mai schlāits stesmu galbimai bhe brewinnimai, en
15. wissans kermeniskans nautins.
16. Stas Vschts Pallaips.
17. Tou niturri Sallūbanlimtwei.
18. Ka ast sta billīcon? Ettrais.
19. Mes turrimai Deiwan stan Rikijan, kirscha
20. wissan powijstin biātwei bhe milijt, kai mes tennēi-
 
1. son paggan, skīstai bhe teisīngi giwammai, en
2. wirdemmans dīlans bhe pomijrisnans, bhe erains
3. swaian sallūban milijt bhe teisint.
4. Stas Septmas Pallaips.
5. Tou niturri Rānctwei.
6. Ka ast sta billīton? Ettrais.
7. Mes turrimai Deiwan stan Rikijan krscha
8. wissan powijstin biātwei bhe milijt, kai mes tennēi-
9. son paggan, noūson Tawischas penningans bhe
10. labban ni immimai, neggi sen reddisku perdāsai, ad-
11. der wargasmu kāupiskan prēimans pidimai,
12. Schlāits tennijsmu swaian labban bhe maitāsnan
13. galbimai walnint bhe popeckūt.
14. Stas Asmus Pallaips.
15. Tou niturri reddewijdikausnan dātwei
16. prijki twaian tawischan.
17. Ka ast sta billīton? Ettrais.
18. Mes turrimai Deiwan stan Rikijan, kirscha
19. wissan powijstin biātwei bhe milijt, kai mes tennēi-
20. son paggan, noūson tawischan ni reddewingi ep-
 
1. mēntimai, perklantemmai, perpettas waitiāmai, ad-
2. der wargan girsnan tickinnimai, Schlāits turrimai
3. stan etwinūt, bhe labbas esse stesmu waitiāt, bhe
4. wissan prei walnennien wartint.
5. Stas Newīnts Pallaips.
6. Tou ni turri Pallaipsītwei, twaisei ta-
7. wischas buttan.
8. Ka ast sta billīton? Ettrais.
9. Mes turrimai Deiwan stan Rikijan kirscha
10. wissan powijstin biātwei bhe milijt, kai mes tennei-
11. son paggan, noūsmu tawischan, ni sen wīngriskan
12. no tennēison weldīsnan adder buttan stallēmai bhe
13. sen ainesmu swāigstan stēisei tickrōmiskan ēnmans
14. pīdimai, Schlāits stesmu stansubban prei polaikūt
15. brewingi bhe schlusingisku boūton.
16. Stas Dessīmts Pallaips.
17. Tou niturri pallapsitwei twaise Tawi-
18. schas Gannan, Waikan, Mērgan, Peckan,
19. adder ka tennēison ast.
20. Ka ast sta billīton? Ettrais.
 
1. Mes turrimai Deiwan stan Rikijan, kirscha
2. wissan powijstin biātwei bhe milijt kai mes tennei-
3. son paggan noūsmu tawischan, ni swaian gennan
4. seimīnan adder peckan, aupaickēmai, auschpāndi-
5. mai adder enwertinnewingi teckinnimai, Schlāits
6. stanssubbans enlaikūmai, kai tennei polijnku bhe
7. segge ka tennei skellāntei ast.
8. Ka billā tēnti Deiws esse wis-
9. sans schins Pallaipsans?
 
10. Ettrais.
11. Tāns billā titet.
12. As stas Rikijs twais Deiws, asmau
13. ains Stūrintickrōms Deiws, kas nostans
14. quoi mien dergē stans grīkans steisei tāwans
15. kāimaluke, ēnstēimans malnijkans, ergi en
16. tīrtin bhe ketwirtin streipstan, Adder stēi-
17. mans quai mien milē, bhe maians pallaip-
18. sans lāiku, segge as labban en tūsimtons
19. streipstoos.
20. Ka ast sta billīton? Ettrais.
 
1. Deiws trinie prei sūndintwti wissans quai
2. schins pallaipsans ertreppa, Stesse paggan turri-
3. mai mes noūmas biātwi per tennēison nertien bhe
4. ni prīki stawīdans pallaipsans seggīt.
5. Tāns preigerdawi adder, etnijstin bhe wissan
6. labban, wisseimans Quai stawīdans pallaipsans
7. lāiku, Stessepaggan turrimai mes stan dijgi milijt
8. bhe stesmu auschaudijt, bhe reide seggītna ten-
9. nessei pallaipsans.

10. Stas Swints Cri-
11. stiāniskas Druwis, kāigi ains but-
12. te, tawas stansubban swaiā-
13. smu seimīnan no vckalāng-
14. wingiskai prei lai-
15. kūt turri.
16. Stas Pirmonnis Dellijks
17. essestan Teikūsnā.
18. As druwē en Deiwan, Tāwan Wisse-
19. musīngin kas ast teikūuns, Dangon bhe
20. semmien.

1. Ka ast sta billīton?
2. As druwē, kai mien Deiws Teikūnus ast, sen
3. wissans pērgimmans, mennei kērmenan bhe Dūsin
4. ackins, āusins, bhe wissans streipstans, Jsspressen-
5. nien, bhe wissans seilins dāuns ast, bhe dabber Jslāi-
6. ka, Prēistan rūkans, bhe kurpins īst bhe pūton, but-
7. tan bhe burwalkan, Gannan bhe Malnijkans,
8. Laukan, Pecku, bhe wissans labbans, sen wissan
9. prewerīngiskan bhe maitāsnan  schiēise kermenes
10. bhe gīwas, Laimiskai bhe deineniskai persurgaui,
11. bhe prijki wissan wargan pokūnti bhe popeckuwi,
12. bhe stan wissan is kalsīwingiskan, Tawiskan, Dei-
13. wūtiskan labbiskan bhe etnīstin Schlāit wissan mai-
14. an perschlūsisnan bhe wertīngiskan, perkawīdan
15. wissan as stēismu preidīnkaut, bhe prei girtwei, bhe
16. pērstan preischlūsitwei, bhe poklusman boūt schkel-
17. lānts asmai, sta ast perarwisku arwi.
18. Stas Antars Dellijcks
19. Essestan Jsran-
20. ckīsnan.
21. Bhe en Jesūm Christum, swaian ai-
22. nan Soūnon noūson Rikijan, kas pogauts
23. ast, esse Swintan Noseilien, Gemmons esse
24. stan Jumprawan Marīan, Stīnons po

1. Pontio Pilato, Skrīsits, Aulauns, bhe en-
2. kopts, Semmailisons prei Pickullien, En
3. tīrtan deinan etskīuns esse gallan, Vnsaigū-
4. bons no Dangon, Sīdons prei tickrōmien
5. Deiwas steise wissemusīngin Tawas isquen-
6. dau tāns pergūbons wijrst, prei līgint stans
7. gijwans bhe aulausins.
8. Ka ast sta billīton?
9. Ettrais.
10. As Druwē, kai Jesus Christus, isarwiskas
11. Deiws esse Deiwan Tawan en prābutskan gem-
12. mons bhe dijgi isarwiskas smunents, essestan Jum-
13. prawan Marīan gemmons kas mien Jsmaitinton
14. bhe perklantīton smunentien isrankīuns ast peldī-
15. uns, augauuns, bhe esse wissans grīkans, esse gal-
16. lan, bhe esse stan warein steise Pjckulas ni sen Ausin
17. adder Sirablan Schlāit sen swaiāsmu Swinton
18. tēmpran krawian, bhe sen swaiasmu niwinūton
19. Stinsennien bhe anlausennien, Nostan kai as ten,-
20. nēismu subsai asmai, bhe entennēismu rīkin po tenes-
21. mu giwīt, bhe stesmu schlusilai en prabuskai
22. tickrōmiskan, niwinūtiskau bhe deiwū-
23. tiskan, ainawydan, kaigi tāns ast
24. etskīans esse gallan, giwa bhe
25. rickawie en prabutskan, sta
26. ast perarwiskai arwi.

1. Stas Tīrts Dellīks,
2. Esse Stan Swintiskan.
 
3. As Druwē ēnstan Swintan Noseilien
4. ainan Swintan Cristiāniskan kijrkin Stan
5. perōniskan Swintan etwerpsennian steise
6. grijkan etskīsnan mensas, bhe ainan prābut-
7. skan gijwan, AMEN.
8. Ka ast sta billiton? Ettrais.
9. As Druwe, kai as ni is supsai ispresnā neggi
10. spartin, en Jesum Christum maian Rikijan druwīt,
11. adder prēistan perēit massi Schlāits stas Swints
12. Nosēilis ast mien prastan Euangelion perwūka-
13. uns, sen swaians Dāians erschwāistiuns, en tikrō-
14. miskan Druwien Swintinons, bhe er laikūuns,
15. Ainawijdei kaīdi tans stan postippin Christiāni-
16. skan, nosemmien preiwackē senrīnka, erschwāigsti-
17. nai, Swintina, bhe prei Jesu Christon erlāiku en
18. tickrōmiskan ainawidiskan drūwien, En kawijd-
19. smu Christiāniskan, tāns mennei, bhe wissamans
20. druwīngins, deinenisku wissans grīkans laiminti-
21. skai etwiērpei, Bhe en maldaisin deinan, mien bhe
22. wissans aulauūsins etbaudinnons wirst, bhe men-
23. nei sen wissamans Christiānans ainan prābutskan
24. gijwan dauns, Sta ast perarwisku arwi.

 
1. Stas Tāwa Noū-
2. son kāigi ains Butta Tawas stan-
3. subban, swaiāsmu Seiminan
4. vcka lāngiwingiskai,
5. preilaikūt turri.
6. Tāwa Noūson kas tu essei Endangon.
7. Ka ast sta billīton? Ettrais.
8. Deiws quoi sen stawīdsmu mans wackītwei
9. kai mes Druwīt turrimai tāns ast nouson tickars
10. Tawas, bhe mes tennēison tickrai malnijkai, No-
11. stan kai mes glandewingei bhe sen wissan auschau-
12. dīsnan tennan madlit turrimai, kāigi stai mijlai
13. malnijkiku swaian mijlan Tawan.
14. Stai Pirmoi Maddla.
15. Swintints wīrst twais Emnes.
16. Ka ast sta billīton? Ettrais.

1. Deiwas Emnes ast arwiskai en sien sups
2. Swints adder mes madlimai ēnschien madlin, kai
3. tāns prēimans dijgi Swints postānai.
4. Kai audāst sien sta? Ettrais.
5. Quei stas wirds Deiwas, kaltzīwingiskai bhe skij-
6. stan mukints wīrst, bhe mes dijgi Swintai kai stai
7. malnijkai Deiwas postesmu giwammai sta galbse
8. mans mijls Taws endangon, Kas adder kittewidei
9. mukinna bhe giwa, nikai stas wirds Deiwas mu-
10. kinna, stas niswintina sirsdau noūmans sten emnen
11. Deiwas, Essestan pokuntieis mans Dengnennis
12. Tawa.
13. Stai Antrā Maddla.
14. Perēit twais Rijks.
15. Ka ast sta billīton? Ettrais.
16. Deiwas rīks pereit labbai essetennan subbai ir
17. bhe noūson madlan, Mes madlimai adder ēnschan
18. madlin kai stas dijgi prēimans pereīlai.
19. Kai audāst sien sta? Ettrais.
20. Kaden stas Dengenennis Tāws, noūmans
21. swaian Swintan Noseilin dast kai mes swaiasmu
 
1. swintan wirdan, pra swaian etnīstin druwēmai
2. bhe Deiwiskai giwemmai schien kīsmingiskai bhe
3. stwen enprābutskan.
4. Stai Tirti Maddla.
5. Twais Quāits Audāsin, kāgi Endan-
6. gon tijt dēigi nosemien.
7. Ka ast sta billīton? Ettrais.
8. Deiwas labbīngs etnīwings quāits audāst
9. sien labbai schlāit noūsen madlan, adder mes mad-
10. limai ēnschan madlin, kai stas dijgi prēimans sien
11. audāst.
12. Kai audāst sien sta? Ettrais.
13. Kadden Deiws wissan wargan prātin bhe
14. quāitan lemlai, bhe kūmpinna, quai noūmans stan
15. emnan Deiwas niswintinai, bhe swaian rīkin ni-
16. quoitā daton perēit, kāigi stwi ast, stēisi pickullas,
17. stessei Swītas, bhe noūson kermeneniskan quāits,
18. schlāit schpartina bhe polāiku mans drūktai, en
19. swaiāsmu wirdan bhe Druwien, er prei noūson
20. wangan, sta ast swais Etneīwings labs quāits.
 

21. Stai Ketwirta Maddla.

1. Nouson deinennin geitien dais noū-
2. mans schan deinan.
3. Ka ast sta billīton? Ettrais.
4. Deiws dāst deinennien geitan, dijgi schlāit
5. noūson madlin, wissamans wargans smunentins
6. adder mes madlimai enschan madlin, kai tans noū-
7. mans ersinnat dast, bhe sen dinckausnan pogaūt
8. nouson deinennien geitien.
9. Kai billē dineniskas geits?
10. Ettrais.
11. Wissan ka prei kermenes maitāsnan prewe-
12. rīsnan perlānkei kaigi stwi ast, Jst, Poūt, Rūkai,
13. Kurpi, Buttan, Burwalkan, Laukan, Pecku, Pen-
14. ningans, Labbas labban seiminan, labbans bhe au-
15. schaudiwingin Aucktairikijskan labban rickaūsnan
16. labban winnen, Packe, Kailūstiskun, Kānxtin, tei-
17. schin, Labbans ginnins, auschaudīwingins kaimī-
18. nans, bhe Steison polijgu.
19. Stai Piencktā Maddla.
20. Bhe etwerpeis noūmas nousons āu-
21. schautins, kai mes etwērpimai noūsons au-
22. schautenīkamans.
 
1. Ka ast sta billiton? Ettrais.
2. Mes madlimai ēnschan madlin, kai stas
3. Tāws endangon, ni endeirīt quoitīlai noūsons grī-
4. kans, bhe tenneison paggan, stawijdan madlin ni
5. perbillīton, beggi mes asmai stēison neainessa wer-
6. tei, kan mes madlimai, asmai stan dijgi ni perschlū-
7. siuns, Schlāit tans quoitīlai noūmans stansubban
8. wissan, is etnijstin datwei beggi mes deininisku tū-
9. lan grīkimai, bhe labbai wissaweidin sūndanper-
10. schlūsimai Tijt quoitāmai, mes arwiskai stēimans
11. etkūmps dijgi sīrisku etwiērpt, bhe reidei labban se-
12. gīt, quai sien en mans grīkisi.
13. Stai Vschtai Maddla.
14. Bhe ni weddeis mans emperbandāsnan.
15. Ka ast sta billīton? Ettrais.
16. Deiws perbānda arwiskai niainonton, adder
17. mes madlimai en schan madlan, kai noūmas
18. Deiws quoitilai popeckut bhe erlaikūt Nostan, kai
19. mans stas Pickūls, stai switai bhe nousā mensai ni
20. popaikā bhe perweddā en nidruwien perdwibugūs-
21. nan, bhe kittan, debīkan, gīdan bhe epkieckan. Bhe
22. ikai mes senstesmu ankaitītai wīrstmai, kai mes en-
23. wangan augaunimai, bhe stan epwarrīsnan po-
24. lāikumai.
 
1. Stai Septmai Maddla.
2. Schlāit isrankeis mans, esse wissan
3. wargan.
4. Ka ast sta billīton? Ettrais.
5. Mes madlimai en schan madlin, kāigi en em-
6. pijreisku, kai naūmans stas Taws endangan, esse
7. wissawidiskan wargan, Kermenes bhe Daūsin,
8. Labbas qhe Teisin, isrāikilai bhe en pansdamonni-
9. en, kaden noūson stūndicks perēit, ainan Diwūti-
10. skan wangan polijcki, bhe sen Etnīstan esse schan
11. powargewingiskan lindan, prēisien imlai en stan
12. dangon.
13. AMEN.
14. Ka ast sta billīton? Ettrais.
15. Kai as turri auschaudīwings boūt, stawīdas
16. madlas, ast steismu Tāwan Endangon enimme-
17. wingi bhe poklausīmanas, Beggi tans sups ast
18. noūmas laipinnans titat prei madlitwei bhe
19. taukinnons, kai tans noūmans quoitē
20. klausiton, Amen, Amen, sta ast
21. arwi, arwi adder Ja,
22. Ja, sta turri sien
23. titet audāt.

1. Stas Sacraments
2. stessei swintan crixtisnan kāigi stan-
3. subban ains Buttantāws swaiās-
4. mu seimijnan vckcelāngewin-
5. giskai turri preilaikūt.
6. Ka ast stai Crixtisna? Ettrais.
7. Stai Crixtisnai ast ni, ter ains schklāits vnds
8. Schlāit stai ast stas vnds en Deiwas pallaipsan
9. entēnsīts, bhe sen Deiwas wirdan senrists.
10. Kawijdan ast stawijds wirds
11. Deiwas? Ettrais.
 
12. Kāigi Noūson Rikijs Jesus Christs bille,
13. prei Markon en pansadaumannien, Jeiti stwen,
14. enwissan swītan, mukinaiti wissans amsin adder
15. pogūnans, bhe Crixteiti tennans, en Emnen steise
16. Tāwas, bhe steise Saūnas bhe steise Swintan
17. Noseilīs.
18. Prei Antersmu.

1. Ka dāst adder enterpo stai
2. Crixtisnai? Ettrais.
3. Stai Dīlinai etwerpsennien steise grijkan, isran-
4. kinna esse gallan bhe pickullan, bhe dāst stan prābut-
5. skan Deiwūtiskan, wissamans quai stan druwē, kāi-
6. gi stai wirdai bhe preibillīsnai Deiwas kelsāi.
7. Kawīdai ast stai wirdai bhe preibil-
8. līsnā Deiwas? Ettrais.
9. Kāigi nouson Rikijs Christus billē Marci en
10. pansdaumannien, Kas stwi druwē bhe Crixtits
11. wijrst, stas wijrst Deiwuts, kas adder ni Druwe,
12. stas wijrst perklantīts.
13. Prei Tīrtsmu.
14. Kāigi massi vnds stawijdan debeī-
15. kan astin seggīt? Ettrais.
16. Vnds stan perarwisku ni segge, Schlāits stas
17. wīrds Deiwas, kas sēn bhe prei stesmu vndan ast,
18. bhe sta Druwi, kas stawidsmu wirdan Deiwas au-
19. schaudē. Beggi schlāits Deiwas wirdan, ast stas
20. vnds ains tickars vnds, bhe niainā Crixtisna, adder
21. sen stesmu wirdan Deiwas, astits ainā Crixtisnā,

1. sta ast ains etnīstislaims vnds steises geijwas, bhe
2. aina Spigsnā steise naunangimsenin en Swintan
3. Noseilin, kāigi Swints Pauli billē Prei Tittum en
4. Tīrtsmu polasīnsnan, Prastan Spīgsnan stesse ān-
5. tersgimsennien, bhe ernaunīsan stēise Swintan
6. Noseilie, kawīdan tāns islīuns ast no mans laimi-
7. sku, pra Jesum Christum noūson Retenīkan, No-
8. stan kai mes prei stessei supsas etnīstin tickrōmai bhc
9. weldūnai asmai stēisei prābutskan gijwan poste-
10. smu nadruwīsnan, Sta ast iau perarwisku arwi.
11. Preī Ketwirtsmu.
12. Ka powaidinnei stawijds Vn-
13. das Crixtisna? Ettrais.

14. Sta powaidinne, kai stas Vrs Adams ēn-
15. mans pra deineniskan pawargan bhe powartīsnan
16. turei auskandints postātwei, bhe aulāut sen wissa-
17. mans grīkans bhe wargan poquoitīsnau, Bhe et-
18. kūmps deinenisku etskīmai, bhe winna perēimai,
19. Ains nauns smūnets, kas en tickrōmiskan bhe skīstie-
20. skan pirsdau Deiwan prābutskai giwa.
21. Quei stallā sta peisaton?
22. Ettrais.
23. Swints Pauli prei Römerins en Vschtan po-
24. lasinsnan billē, Mes asmai sen Christo prastan

1. Crixtisnan enkopts ēnstan gallan kai ainawīdai,
2. kāigi Christus ast esse stans Gallans etbaudints,
3. prastan Rikijwiskan stessei Tāwas, Tīt turrimai
4. mes dijgi, en ainesmu nawnan gijwan neikaut.
5. Kāigi Stans Lāngiseilingins
6. turri mukint Grikaut.
7. Ka ast stā Grikausna? Ettrais.
8. Stai Grikausna ebimmai dwai dellīkans ēn-
9. sien, Ains, kāidi stans grīkans posinna, Sta Anters
10. kāidi stan etwerpsennin esse stesmu klausīwingin
11. pogāunai, kāigi esse Deiwan subban, Bbe niquei en
12. stesmu dwibugūt, Schlāit drūcktai druwīt stai grī-
13. kai ast prastan etwierpton pirsdau Deiwan En-
14. dangon.
15. Kawīdans Grīkans turedi Gri-
16. kaut? Ettrais.
17. Pirsdau Deiwan turridi wissans Grīkans sien
18. skellānts dātunsi, dīgi stans kans mes digi ni ersin-
19. nimai, kāigi mes en Tawa Nouson seggēmai.
20. Adder pirsdau stesmu Klausijwingin, turri-
21. mai mes ter ains stans grijkans posinnat, kawij-
22. dans mes waidimai bhe poprestemmai en nouson
23. sijran.

1. Kawīdai ast stai?
2. Stwi endirīs twaian bausennien, posteimans
3. Dessimtons Pallaipsans, Anga tu Tāws, Mūti,
4. Soūns, Duckti, Rikijs, Supūni, Waix assai, Anga
5. toū nipoklusmings, ni isarwis niseilewingis assai
6. boūuns, Anga tou ainontsmu wargan assai seggī-

7. uns, sen wirdemmans adder dīlins, Anga tu ran-
8. guns, pertennīuns, nipokūntuns, schkūdan assei
9. seggīūns.
10. Mijls Brāti Teīks mennei ain-
11. an īnsan isspressennen
12. prei Grikaut.
13. Tīt turri tū prēistan Klausīwingin bilītwei.
14. Wertīngs mīls Rickijs, as madli wans, Quoi-
15. tīlaiti maian Grikausnan kirdītwei, bhe mennei
16. stan etwerpsennien billīt Deiwas paggan.
17. Gerdaus schan.
18. As gurīns Grīkenix, posinna mien pirsdau Dei-
19. wan, wissans grīkans skellants en schlaītiskai po-
20. sinna as pirsdau Joūmas, kai as ains Waix, Mer-
21. gu, etc. asmai, Adder, Deiwa engraudīs as schlūsi-
22. ni isarwi maiāsmu Rikijan, Beggi schan bhe stwen
23. asmu as ni seggīuns, ka stai mennei laipinnons, As-
 
1. mai stans ernertiuns, bhe prei klantīsnan pobangin-
2. nons, asmai pertennīuns bhe skūdan dāuns seggit.
3. Asmu dijgi en wirdans bhe dīlans nigīdings
4. baūuns, Asmai sen maisei pollīgun ernertīuns, Prī-
5. ki maian waispattin murrawuns bhe klantīwuns,
6. Sta wissa wargē mien, bhe madli etnijstin as quoi
7. mien walnennint.
8. Ains Rikijs adder Supūni
9. billi titet.
10. En schlāitiskan posinna as pirsdau Joūmans
11. kai as maians malnijkans, bhe seimīnan, ni isarwi
12. asmai auginnons prei Deiwas Teisin, As asmai
13. klantīuns, wargans perwaidinsnans sen niteisī-
14. wingins wirdans bhe seggīsnans dāuns, Maiās-
15. mu kaimīnan schkudan seggīuns, wargu nowaiti-
16. āuns, per tēmprai perdauns, reddau bhe ni pilnan
17. perdāisan dāuns, bhe ka tans toūls prīkan Deiwas
18. pallaipsans bhe swaian bousennien ast seggīuns.
19. Kadden adder ains sien ni aupallai tīt pobren-
20. dints sen stawīdsmu, adder muisieson grīkans,
21. Stas niturri surgaut adder tāls grijkans laukīt ad-
22. der ermīrit, bhe sen stawijdsmu ainan lailīsnan esse
23. stesmu Grikausnan tickint, schlaits engerdaus ai-
24. nan adder dwai kawijdaus tou waisei, Titet, En
25. schlāitiskan posinna as, kai as ainan reisan klantī-
26. uns adder ainawārst nikanxts sen wirdans boū-
27. uns, aina warst stan pertennīuns asmai. Bhe
28. tīt dais pansdau zuit bouton.
 

1. Waisse tu adder postippan niainan (kawids
2. ni labbai musīngin massi bouton) Tīt gerdaus dij-
3. gi niainan schlāitiskai, Schlāit imais stan etwerp-
4. sennien nostan perōnin grikausnan, kawijdan tou
5. pirsdan Deiwan seggēsei prīki stessemu Klausīwe-
6. niki.
7. Nostan turri stas Klausi-
8. winks billītwei.
9. Deiws seisei tebbei Grīkenikan etnijwings bhe
10. spartina twaian druwien, Amen.
11. Tāls.
12. Druwēse tu dīgi kai maia etwerp-
13. sna, Deiwas etwerpsna ast?
14. Ettrais.
15. Ja mijls Rikijs.
16. Nostan billi tans.
17. Kāigi tou druwēse, tīt audasei tebbei, Bhe as
18. is polaipīnsnan noūson Rikijs Jesu Christi etwerpe
19. tebbei twaians grīkans, en Emnen steise Tawas,
20. bhe steise Soūnas bke steise Swintan Noseilin,
21. Amen.
22. Jeis preipaus en Packan.
 
1. Kawīdai adder debbīkan pobrandisnan stetse
2. powaisemnen turri, adder auminius adder enkaitī-
3. tai ast, stans wīrst ans Klausīwings labbai waist
4. sen toūls billijsnans prei glandint, prei Druwien ti-
5. ēnstwei, Sta turri ter ains aina perōnisku enteikū-
6. sna steison Grikausnan boūt, pērstans Lāngiseilin-
7. gins.

8. Stas Sacraments
9. Steisei Altari, kaigi ains Butta-
10. staws stansubban swaiāsmu
11. seimīnan vkalāngewingi-
12. skān preilaikūt turri.
13. Ka ast stas Sacramēnts steise
14. Altars? Ettrais.
15. Sta ast stas arwis kērmens bhe krawia, Noū-
16. sou Rikijas Jesu Christi, Po stesmu geitin bhe wij-
17. nan, Noūmas Crixtiānans prei īst bhe prei pout-
18. wei esse Christo sups ensadinton.
 
19. Quei Stalle sta Popeisāton?
20. Ettrais.
21. Tit peisāi stai Swintai Euangelistai, Matte-
22. us, Marcus, Lukas, bhe Swints Paulus.

1. Noūson Rikijs Jesus Christus, ēnstan Nack-
2. tien, kaden tans prawilts postāi, imma tans stan-
3. geitin dīnkauts bhe līmauts, bhe dai swaimans,
4. maldaisimans, bhe billāts, immaiti stwen, īdeiti,
5. sta ast mais kērmens, kas pērwans dāts wīrst, Sta-
6. wīdan seggītei prei maian pominisnan.
7. Stesmu empolijgu immats dijgi stan Kelkin
8. pobītas īdin, Dinkauts, bhe dai stan steimans bhe
9. billāts, Jmaiti stwen, bhe poieiti wissai isstesmu,
10. Schis kelks ast stas nauns Testaments en maian
11. krawian, kas perwans pralieiton wīrst, prei etwer-
12. psennien stēison grijkan, Stawīdan seggītei prei
13. maian pominīsnan.
14. Ka ast enterpen stawīds īdis
15. bhe poūis? Ettrais?
16. Sta waidinna noūmans schai wirdai, Pēr-
17. wans dāton bhe prolieiton prei etwerpsenninn stēi-
18. son grīkan, Jssprettīngi, kai noūmas en Sacra-
19. menten etwerpsnā steison grikan, gijwan bhe Dei-
20. wutiskai prastawīdans wirdans dāts wirst, Beggi
21. quei etwerpsnā steison grīkan ast, stwi ast dijgi gi-
22. wei bhe Deiwūtisku.
23. Kāigi massi Kērmeniskai īdai bhe
24. poūton, stawīdan debīkan astin
25. seggīt? Ettrais.

1. Jst bhe poūton stan arwiskai ni segge, schlāit
2. stai wirdai, ka stwi stallē, Prēiwans podaton bhe
3. Proleiton, prei etwerpsennien, steison grīkan.
4. Kawīdai wirdai ast, sirsdau stesmn kērmeneni-
5. skan īstai bhe poūton, kāigi stas Galwasdellīks en
6. Sacramenten, Bhe kas stesmu wirdan druwe, tans
7. turri kan stai billē, bhe kāigi stai kaltzā, Jsspresenni-
8. en, Etwerpsennien stēisai Grīkan.
9. Kas pogaunai stawīdan Sacra-
10. mentan Wertīwings? Ettrais.
11. Pastauton, bhe kērmeneniskan sien pogatta-
12. wint ast aina kanxta iswinadu kanxtinsna, Adder
13. stas ast tickars wertīngs bhe labbai pogattawints
14. kas stan Drūwien turri en schans Wirdans  Pēr-
15. wans podāton bhe Prolieiton, prei etwerpsennien
16. steisons grīkans, kas adder steīmans wirdans ni
17. Druwē, adder dwigubbū stas ast niwertīngs bhe ni-
18. pogattawints, Beggi stas wirds (Pēr Wans) wū-
19. kawi wissans druwīngins sirans-

20. Kaigi ains Buttas Taws swaian
21. Seimīnan turri mukint
22. Angsteina bhe Bītai
23. sien Signāt.
 
1. Angstainai, Kaden toū is twaiā-
2. smu Lastin etskīsai, turri tou tien
3. Siggnat sen stesma Swintan
4. Scrīsin bhe bīllīt.
5. Stwi galbse Deiws, Taws, Soūus, bhe
6. Swints Noseilis.
7. Nostan poquelbton adder stānintei
8. stan Druwien bhe Tawa Nōson,
9. Jquoitu, tīt massi tu schin
10. madlikan prēistan gerbt.
11. As dīnckama tebbei mais Dengnennissis Taws
12. pra Jesum Christum twaian mīlan Soūnan, kai tu
13. mien schen Naktin pirschdau wissan skūdan bhe
14. wargan assei pokūntuns, Bhe madli tien, Tou quoi-
15. tīlaisi mien schan deinan Deigi pokūnst pirsdau grī-
16. kan bhe wissan wargan, kai tebbei wissa maia segi-
17. sna bhe giwan podingai, Beggi as polaipinna mi-
18. en, maian kermenen bhe Doūsin, bhe wissan en twai-
19. ans rānkans, twais swints Engels baūsei sen māim
20. kai stas wargs prēisiks, ni ainan warrin ēnmien aū-
21. pallai, Amen.
22. Bhe pansdau titet sen wesliskan,
23. prei twaian Dīlan gubas, bhe ainan grīmi-
24. kan grīmons, kāigi, stans Dessimtons pallaipsans
25. adder ka twaiā Seilisku dāst.

1. Bītai kaden tu prei lastan ēisei
2. turei toū tien Siggnat sen
3. stesmu Swintan Scrij-
4. sien bhe billīt.
5. Stwi Galbsai Deiws Tāws bhe Soūns bhe
6. Swints Noseilis.
7. Nostan poquelbton adder stāninti
8. stan Druwien bhe Tawe Nouson
9. Jquoi tu, tīt massi ton schin
10. madlikan prēistan gerbt.
11. As Dīnkama tebbei mais Dengenennis Tāws
12. pra Jhesum Christum twaian mijlan Saunan kai
13. tou mien schan Deinan Etnīwingisku assei pokūn-
14. tons, bhe madli tien, toū quoitīlaisi mennei etwīerpt
15. wissans maians grīkans, quei as nitickran seggī-
16. uns asmai, Bbe mien schen nacktin etnijwingiskai
17. popekūt, Beggi as polaipinna mien, maian Kēr-
18. mnen bhe Daūsin, bhe wissan en twaians rānkans,
19. Twais Swints Engels baūsei sen maim, kai stas
20. wargs Prēisicks, ni ainan warrien ēnmien aupallai.
21. Bhe pansdau entickrikai bhe
22. wesselingi enmigguns.

 
1. Kāigi ains Buttas Taws Swai-
2. an Seimīnan turri mukint stan
3. Benedicite bhe Gratias gerbt.
4. Stai malnijkai, bhe Seimīns tur-
5. ri sen senditmai rānkān bhe
6. kanxtei, pirschdau stan stal-
7. lan trapt bhe billit.
8. Wissas Ackis giēidi notien Rikijs, bhe tu dāse
9. stēimans, tennēison landan, prei swaian kerdan,
10. Toū etwēre twaian rānkan, bhe sātuinei wissan ka
11. stwi giwe sen labbapodingausnan.
12. Pansdau stan Tawa noūson bhe
13. schan rīpintinton madlin.
14. O Deiwe Rikijs Dengnennis Taws, Signāts
15. mans bhe schiens twaians Dāians, kawīdans mes
16. esse twaian dēigiskan labban prei mans immimai
17. Pra Jesum Chtistum nouson Rikijan, Amen.
18. Tit dijgi po idin turri Stai aina-
19. widisku siggit, kānxtai sen senditans
20. rānkans stallit bhe billitwei.

1. Dīnkauti stesmu Rikijan, beggi tans ast ginne-
2. wings, bhe swaia labbisku, wēraui Enprābutskan
3. kas wismu mensen landen dāst, kas stesmu Pecku
4. swaian pērdin dāst, stēimans maldans Warnins,
5. quai tennen enwackē, Tans ni turri podīngan en ste-
6. ssei spartisku steiseisei russas, neggi podingausnan
7. no ainontsi kaulan, Stas Rikijs turri podīngan en
8. stēimans quoi tennan bia, bhe quai no swaian la-
9. biskan gēide.
10. Pansdau stan Tawe Nouson bhe
11. schan rīpintin madlin.
12. Mes Dīnkaumai tebbe Rikijs Deiws Taws,
13. Pra Jesum Christum, per wissan twaian labbase-
14. gīsnan, kas du Gīwu bhe Rikawie en Prabutskan,
15. Amen.

 
16. Stai Buttas Ta-
17. pali Delli billīsna pra wissans
18. Swintans Enteikūsnans bhe bousenniens
19. prakawīdans stanssubbans, kāigi per ai-
20. nan mukīnsnan tenneison perstal-
21. līsnas bhe schlusisnas prei
22. poskulīt.
23. Steimans Bīskopins Pappans
24. bhe Preddikerins.
 
1. Ains Bīskops turei niebwinūts būton, Aina-
2. ssei gennas wijrs, Alkīns, Rāms, Aulāikings, Rei-
3. dewaisines, Mukinewis, Kai ains Butsargs Dei-
4. was ni ains rundijls, ni grēnsings, ni niteisīngiskan
5. dīseitiskan guntwei, Schlāit preitlāngus, nirīge-
6. wings, ni āūgus, kas swaiāsmu supsei buttan lab-
7. bai perstallē, kas boklusmans malnijkans turei, sen
8. wissan teisīwingiskan ni ains naunīngs kas nostan
9. wirdan lāiku, kawīds arwis ast, bhe mukint massi,
10. nostan kai tans sparts astits prei paskulīton, pra-
11. stan Rettīweniskan mukinsnan, bhe pro pobaiint
12. stans emprijki waitiaintins, 1. Timot. 3. Tito. 1.
13. Ka stai Crixtianai swāimans
14. Mukinnewingins bhe Dū-
15. saisurgawingi preiseg-
16. gīt skellāntai ast.
17. Jdaiti bhe poieiti ka tennei turri, beggi ains
18. dīlants ast swaisei ālgas werts, Lucas en dessīmton
19. palasinsnon. Stas Rikijs ast polaipinnons, kai
20. stai quai stan Ebangelion pogerdawie, Turei sien
21. essestan Ebangelion maitātunsin, 1. Corint. 9.
22. Kas pomukints wīrst sen stesmu wirdan, stes
23. dellieis stesmu kas stan mukinna, ni kurteiti ains ān-
24. tran, Deiws ni dast sien bebbint, Gallat. 6.
25. Stans Vraisans, quai labbai perstalle, lāiku-
26. tei dwigubbus teisis werts, bhe Schklāits quai
27. stwi gewinna en wirdan, bhe enstan mukinsnan,

1. Beggi stwi bille stai peisālei tu turei stesmu kur-
2. wan kas arrien tlāku ni stan āustin perrēist bhe ains
3. dīlants ast swaisei ālgas werts, En Pirmonnien,
4. 1. Timoth. 5.
5. Mes madlimai wans mīlai bratrīkai, kai ioūs
6. ersinnati, quai  ēnwans gewinna, bhe ioumas per-
7. stallē, enstesmu Rikijan bhe wans poskulēwie, turri-
8. ti dins ste mijls stēison dīlas paggan, bhe seīti packa-
9. wingi sen stēimans 1. Tessalon. 5.
10. Klausieiti ioūsons mukinnewins, bhe rīpaiti
11. tennēimans, beggi tennei budē kirscha iousan Du-
12. sin kai quai stwi reckenausnan pērstan dāt turri,
13. Nostan, kai tennei stan sen tuldīsnan seggē, bhe ni
14. sen nādewisin, Beggi sta ioumas ni ast labban.
15. Esse Swītewiskan
16. Auckstimiskan.
17. Erains boūsei poklusman steisei Aucktimmi-
18. skan, quoi warein kirsa din turri, beggi stwi ast ni-
19. ainā aucktimmisikai, schlāits esse Deiwan, Quei
20. adder aina aucktimmiskū ast, stai ast esse Deiwan
21. Enteikūton. Kas sien teinu prīki stan Auktimmi-
22. skan sedinna, stas emprīki stallē Deiwas enteikū-
23. snan, Quai adder emprīki stallē, wīrst kerscha
24. sien ainan lijgan gauuns. Beggi stai ni
25. pīdai stan kalbīan ensus, stai ast
26. Deiwas schlūsnikai, aina Trinta-
27. winni prei sūndin, nostan kas
28. wargan, segge, Roma. 13.

1. Esse Steimans Poklusmingins.
2. Dāiti stesmu Keiserin, ka steisei Keiserin ast,
3. Matthe. 22.
4. Tīt seiti tēnti is nautin poklusman, niains ste-
5. ssei sūndis paggan, schlaits digi steisei Powaisen-
6. nis paggan, Stessepaggan turriti ious dīgi kassin
7. dāt, beggi stāi ast Deiwas schlūsinikai, quai stawi-
8. dan absergīsnan turri erlaikūt, Tīt daiti teinu erai-
9. nesmu, kai ioūs skellānts astai, Kassin, kasmu stas
10. kasschis perlānki, Tollin kasmu stas Tols perlānki
11. Teisin kasmu stai teisi perlānki, Roma. 13.
12. Tīt paskulē as teinu, kai dei pirsdau wissan po-
13. wijstin, En pirmannin segge, Madlan Pra madlin
14. bhe Dīnkausegīsnan, per wissans smunentins, pēr-
15. stans Wāldnikans bhe Perwissan Aucktimmiskan,
16. Nostan kai mes ainan packīwingiskan bhe tusnan
17. gīwan west massimai, en wissan Deiwutiskan, bhe
18. Teisiskan, Beggi sta ast labban, bhe dijgi enimumne
19. prīki Deiwan, nousesmu pogālbenikan, 1. Timo. 2.
20. Poskuleis tennans, kai stai stesmu Mistran
21. bhe steise Auktimmiskan poklusmai bhe poseggīwin-
22. gi boūsei, Tito. 3.
23. Seīti pomettīwingi, wissai smūnenisku entei-
24. kūsnan, esse stesse  Rikijas paggan Sta bousei ste-
25. smu Waldniku kāigi stesmu Aucktimmien, adder
26. stesmu Höfftmannin, Kāigi stesmu, pertengnin-
 
1. pertengninton esse stesmu pri trinsnan nostans war-
2. guseggīentins, bhe prei girsnan steimans labbans,
3. 1. Petri am 2.
4. Steimans Sallūbaiwīrins.
5. Jaūs Wijrai buwinanti prei ioūsans gennans
6. sen isspresnān bhe dāiti steismu genneniskan, kāigi
7. stesmu vcka kuslaisin dijlapagaptin, swaian teisin
8. kaige sendraugiwēldnikai steisei etnīstin, stesse gī-
9. was nostan kai iousā madlisna ni andeiānsts wīrst
10. 1. Petri 3. Bhe ni astai kārtai krīki tennans, Colo. 3.
11. Steīmans Sallūbi gennāmans.
12. Stai Gennai boūsei poklūsmingi swaisei Wī-
13. rans, kāigi stesmu Rikijan, kai Sara Abraham po-
14. klūsmai bhe, bebillē din Rikijs, kawijdsa duckti ious
15. postāuns asti, ikai ious labban seggēti, bhe ni tijt
16. būrai asti, 1. Petri 3.
17. Stēimans Vraisins.
18. Jous Tawai ni tenseiti ioūsans malnikans
19. prei nertien, kai stai ni dūrai postānai, Schlait po-
20. auginneiti stans, en Kanxtisku preistan Rikijan,
21. Ephe. 6.
22. Esse Steimans Malneijkans.
23. Joūs Malnijkai seiti poklusmingi ioūsmu
24. vraisin en Rikijan, beggi sta ast preistallīwingi,

1. Smuninais Tawan bhe Mutien, Sta ast stas pir-
2. monnis pallaips kuwijds potaukīsnan turei isspret-
3. tīngi, kai tebbei labban ēit, bhe ilga gīwasi nosem-
4. mien, Ephe. 6.
5. Steimans Waikammans Mer-
6. gūmans Deināalgenika-
7. mans bhe Dīlnikans.
8. Jous Waikai seiti poklusmai, iouson kerme-
9. neniskans Rikijans, sen biāsnan bhe dirbinsnan, bhe
10. Lāngiseiliskan iousai sīras kāigi, Christo subbsmu,
11. ni sen schlusien ter ains pirschdau ackins, kāigi stei-
12. mans smunentins prei podingan, schlāits kaigj stai
13. waikui Christi, kai ious stawīdan quāitin Deiwas
14. seggītei esse sīran, sen labban quāitin, Daiti ioumas
15. pomīrit, kai ious stesmu Rikijan, bhe ni steimans
16. smunentins schlūsiti, bhe waiditi, kai erains labban
17. segge, stan wīrst tans pogauuns, stas bousai waix
18. adder powīrps.
19. Steimans Butta Rikians bhe
20. Bnttas waispattin.
21. Jous Rikijai, seggīta stansubban Deigi prī-
22. kin tennans, bhe powiērptei iouson trēnien, bhe wai-
23. diti, kai ioūs dijgi ainan Rikijan endangon turriti,
24. bhe ast pirsdau stesmu ni aina endirisna steison
25. smūni.

1. Steismo Perōnin Maldūnin.
2. Jous Maldai seiti poklusman steimans vrai-
3. sins, bhe powaidinneiti en stesmu stan lāustīngiskan
4. beggi Deiws emprīkistallaē steimans labbatīngins,
5. Adder steimans Lāustingins dast tans etnīstin,
6. Stessepaggan laustineiti wans teinu, pōstan ware-
7. wingin rānkan Deiwas, kai tans wans erlāngi prei
8. swaian kērdan, 1. Petri 5.
9. Steimans Widdewūmans.
10. Kawida aina tickra widdewū bhe ainaseilin-
11. gi ast, stai saddinna swaian auschaudisinan no
12. Deiwan, bhe polīnka en madlin, deinan bhe nackti-
13. en, kawida adder en labbaiquoitīsnan giwa, sta ast
14. giwāntei aulausē, 1. Tessalo. 5.
15. Steismu Piru.
16. Mijlis twaian Tawisen kai tien subban enstes-
17. mu wirdai ast wissai pallaipsai entensītei, Rom. 3.
18. Bhe enlāikuti sen madlan prei wissans smunenti-
19. uaus, 1. Timoth. 2.
20. Erains mukinsusin swaian mukinsnan,
21. Tīt wīrst labbai stalliuns enstan buttan.

 
1. Ains Sallūbs Lai-
2. skas, Kai stas en noūson Kīr-
3. kis teikūsnan stalle.
4. Powackīsna.
5. N. Bhe N. Quoitē po Deiwūtiskan Enteikū-
6. snan, preistan Swintan busennien, steise Salaū-
7. ban kackint, Pallapse prei stansubban, ainan pero-
8. nin Crxtiāniskan madlin, kai stai schian  Crixtiāni-
9. skan Salūbiskan busennien en Deiwas Emnen en-
10. laipinne bhe Deiwutiskai, prei Deiwas girsnan wan-
11. gint massi, bhe ickai ainonts ēnstan turīlai preiwai-
12. tiat, stas segē stan en kērdan, adder tussīse pansdau
13. bhe etlāikusin deickton prei kitawidintunsin, priki
14. stansubban prei īmt, Deiwas dase steimans swaian
15. etnīstin.
16. Stai Salūbsna pir-
17. schau Kīrkin.
18. N. Quoi tu N. prei twaian Salubiskan Sa-
19. lūbin turrit.
20. Kaden stai abbai ia ettrāi, Tīt tur-
21. ri stas Lūbeniks steimans
22. tals gerdant titet.
 
1. Stankīsman ious prēistan swintan bausenni-
2. en steise Salūban kakīnt, bhe kai ious stan ni schlāit
3. isspresnan steison wirdan Deiwas segijtei, kāigi stai
4. nidruwīngi, Tīt kīrdeiti en Pirmannin stan wirdan
5. Deiwas kāigi stas Sallubai busennis esse Deiwan
6. ensadints ast.
7. Tīt peisai Moises en pirmannien
8. laisken en antersmu sklaitinsnan.
9. Bhe Deiws Rikijs billa. Sta ast ni labban,
10. kai stas smunents ains ast, As quoi stesmu ainan
11. pogalban teckint, kawida surgi tennen boūsei, Stwi
12. dai Deiws ainan gillin maiggun krūt nostan smu-
13. nentinan, bhe tans ismigē bhe immats swaise grēi-
14. wakaulin ainan, bhe pertraūki stan deickton sen
15. mensan, bhe deiws Rikijs kūra ainan gennan, esse-
16. stan Greiwakaulin, kawijdan tans esse stesmu smu-
17. nentin immats, bhe weddēdin prēistan. Stwi billa
18. stas smunents, sta ast ainawijdi kaulei esse maians
19. kaūlins, bhe mensā esse maian mensan, stwi wīrsti
20. dien wijrinan billīuns, stesse paggan, kai tenna esse
21. wijrau imtā ast, Stesse paggan wīrst ains wirs,
22. swaian Tawan, bhe mūtin powiērpuns, bhe en
23. swaiasmu gennan kabīuns, bhe stai wīrst boūuns
24. ains mensas.
25. Pansdau wartinna sin tans prei
26. abbans, bhe enwaitia tennans, Titet.
 
1. Stankīsman kai ious wans abbai ēnstan,
2. Salaūbai boūsennien podāuns astai en Deiwas
3. Emnen, Tīt kirdijti en Pirmannien stan pallaipsan
4. Deiwas, noschan bausennien, Tīt billa Swints
5. Pauli.
 
6. Jous Wijrai, milijti ioūsans Gennans, kāigi
7. Christus milijuns ast stan perōnin, bhe ast sien sups
8. pērstan dāuns, Nostan kai tans tennan Swintina
9. bhe ast tennan Skijstinnons, prastan vndas spag-
10. tan ēnstan wirdan, Nostan kai tans stan sebbei po-
11. gattewinlai ainan pijrin, Quai Rikijiskai baulai
12. Quai niturrīlai ainontin mīlinan adder senskrempū-
13. snan, adder steison deicktas, Schlait kai stai Swin-
14. tai bousei, bhe niebwinūtei, Tīt turri dijgi stai wij-
15. rai swaians gannans milijt kāigi swian subban kēr-
16. menen, kas swaiau Gannan milē, stas mile sien sub-
17. ban, beggi niaintonts ast ainontinreisan swaian
18. subban mensan dergēuns, Schlāits tans maitā
19. stan bhe kūnti stan, Ainaweydi kaigi stas Rikeis
20. stan perōnin. Stai gannai bousei pomeston swaain
21. wijrin kāigi stēsmu Rikijan, Beggi stas wijrs ast
22. steisei Gennas gallū, Ainawīdai kai Christus sta
23. gallu ast steison perōniskan, Bhe tāns ast swaise
24. kermenes pogalbenix, Adder kāigi stai perōni Chri-
25. sto ast poklusman, Tīt dijgi stai gannai swaimans
26. wijrimans en wissans poweistins.
27. Prei Antersmu kirdijti dijgi stan
28. skrijsin kawīdan Deiws noschan
29. bausennien lassīnnuns ast.
 
1. Tīt billa Deiws prei Gennan as quoi tebbe
2. toūlan Gulsennin teickut, kantou sen brendeker-
3. mnen postāsei, Tu turri sen Gulsennien malnijkans
4. gemton, bhe twais quāits turri twaiāsmu wijran
5. pomests baūton, bhe tāns turei twais Rikijs bout.
6. Bhe prei Wiran billa Deiws, Stankīsman
7. kai tou assai klausiuns stesmu tārin twaiasei Gen-
8. nan, bhe īduns esse stesmu garrin, Esse kawīdsmu
9. as tebbei laipinna, bhe billai, Tu niturei esse stesmu
10. īst, Perklantīts bouse stas laucks twaise paggan,
11. Sen Alkīnisquai, turei tou tien nostan pomaitat
12. kuilgimai giwassi, kaāubri bhe strigli turrei tans teb-
13. bei pijst, Bhe turei stan Sālin nostan laukan istwei,
14. En prakāisnan twaise prosnan turri tu twaian gei-
15. tin istwe, stu ilgimi kai tu etkumps prei semman po-
16. stāsei, esse kawīdsmu tou animts assai, beggi tou
17. asse semmē bhe turei prei semmien postātwei.
 
18. Prei Tīrtsmu.
19. Tīt ast sta ioūsan Glands, kai ious waiditi
20. bhe druwētei, kai ioūs bousennis pirsdau Deiwan
21. enimts bhe ebsignāts ast, Beggi titet stalli peisāton,
22. Deiws teikū stan smunentin sebbei supsmu en pru-
23. snanpolīgon, ia prei prusnas polīgun Deiwas teiku
24. tāns tennan, Tāns teiku tennans Ainan wijrikan
25. bhe Gannikan bke Deiws signai tennans, bhe bil-
26. lāts prēidins seiti weijsewingi bhe tūlninaiti wans,
27. bhe erpilninaiti stan semmien, bhe tickinnaiti iou-
28. mas stansubban, pomettewingi.
 
1. Bhe rikauite kirscha suckans en iūrin, kirscha stans
2. Pippalins pō Dangon, bhe kirscha wissans swīrins
3. kas nosemmien līse, Bhe Deiws endeirā wissan, kan
4. tans bei teikūuns, bhe dereis stwi sta bēi wissan
5. sparts labban, Stessepaggan billā dijgi Salomon
6. kas einan Salaūbaigannan aupallai, stas aupal-
7. lai ainan labban powijstin, hhe kniēipe signassen
8. esse Rickijan.
9. Quoitēti ious teinu stawijdan Ausaudīsnan
10. bhe skallīsnan ains antersmu laikūt, Tīt dāiti ains
11. antersmu stans prēipīrstans, bhe rānkans.
12. Pansdau turei stas Lūbnigs
13. prei Grandan billīt Ger-
14. bais pomien titet.
15. As N. imma tin N. māim prei ainan Salūbin
16. bhe tankinne tebbe, maian Crixtianiskan auschau-
17. dīsnan, tien niqueigi prei powiērpt, Preikawidan
18. mennei Deiws galbse.
19. Titet digi prei Mārtin.
20. Schan Sallūbiskan skallīsnan kawijdan ious
21. stwi pirsdau Deiwan bhe swaiāsmu perōnien ains
22. antersmu taukinnons astai, Podrūktinai as is po-
23. laipinsnan stēison Crixtianiskan perōnien bhe billi
24. wans Salūbiskai emperri, en Emnen Deiwas stesse
 
1. Tawas, bhe stesse Soūnas, bhe stesse Swintan
2. Noseilis Aman, Ka Deiws emperri sendāuns ast,
3. skan turei niains smunents sklaitint.
4. Nostan turei stas Lūbeniks tittet
5. kirscha stans Madlit.
6. O Deiwe Rikijs kas tou Wijran bhe Gannan
7. teikūuns, bhe  prei sallaūbiskan enteikūuns, ir prēi-
8. stan sen Wēisin stesse ker menes ebsignāuns, bhe
9. stan Sacramentan, twaise mijlas Soūnas Jhesu
10. Christi, bhe steisei kīrki swaise mārtan, enstesmu eb-
11. sentliuns. Mes madlimai twaian grunt powīr-
12. pingin labbiskan, tu quoitīlaisi stawīdan
13. twaian teikūsnan, ensadinsnan, bhe ab-
14. signasnen, ni dāt kumpint neggi po-
15. gadint, schlāits etnijwingisku
16. en noūmans popeckūt, pra
17. Jesum Christum nouson
18. Rikijan, Amen.
19. Deiws dase ioumas swaian
20. packun, Amen.

 
1. Stas Crixti Lāi-
2. skas.
3. Sta Enteikūsna kai Prūsi-
4. skai turri Crixtitwi.
5. Stas Paps adder Crix-
6. tnix billē.
7. Stwi ast nūmas ains malnijkixs perpīsts, bhe
8. stessepaggan poquoitīton, kai tāns stesmu madlin
9. peroniskan Crixtiāniskun kijrkin enlaipints bhe no
10. enteikūsnan, bhe ensadinsnan Jesu Christi, Crixtits
11. postānai.
12. Kai mes adder waisnan pogaunimai, is ka-
13. wijdsmu gruntan Deiwūtiskan peisālin mes mans
14. schiēison malnijkikai enimmimaisin, bhe stan pra-
15. stan madlin Deiwas prosnan preistattinnimai, bhe
16. dei tennan etnīstis bhe Dāiai stesses Crixtisnas
17. madlit turrimai, Titet dāiti nūmans kirdīt, stan
18. Ebangelion esse stans malnijkikans, kāigi stan
19. Swints Marx en Dessīmton ast popeisauns.
20. Enstan kērdan perpīdai tennei malnijkikans
21. prei Jesum, kai tāns tennans turrīlai enkausint,
22. Adder stai maldaisei driāudai quai tannans perpī-
 
1. dai, kaden adder Jesus stan widdai, postan tans ni-
2. quāitings bhe billāts prei tennans. Dāiti stans
3. malnijkikans prēmien perēit, bhe nidraudieiti stei-
4. son, beggi stēimans ast stas Rīki Deiwas, Perarwi
5. as gerdawi iūmans kas stan rīkin Deiwas ni poga-
6. uni, kāigi ains malnijkix, stas ni wīrst ēnstan pergū-
7. bans, bhe tans poglabūdins bhe lasinna rānkan no-
8. dins, bhe ebsgnādins.
9. Mijlas ginnis, mes kīrdimai is schismu Eban-
10. gelion, kāigi ginnewīngiskan, sien stas Soūns Dei-
11. was, noūson mijls rikijs Jhesus Christus, prīki
12. stans malnijkikans waidinnasin, sēnku tans ackij-
13. wistu bhe perarwisku prei issprestun dāst, en kawij-
14. dsei, debijkun nautin bhe wargan stai gurijnai mal-
15. nijkiku embaddusisi, bhe kai tennei stwendau, slāit
16. Deiwas schklāitewingiskan etnīstin bhe engraudij-
17. snan nimassi isrankīt postāt, bhe mes kīrdimai dij-
18. gi schklāits deininiskan is Deiwas wirdan, serrīpi-
19. mai dijgi abbaien, en noūson gijwin bhe aulausenni-
20. en, kai mes esse adam, wissawidei en grīkans pogau-
21. tei, bhe gemmons postānimai, Enkasmu mes tijt
22. po Deiwas nertien en prābutskan perklantīt bhe is-
23. maitint turrīlimai boūt, kaden noūmas ni
24. prastan ainangimmusin Soūnan
25. Deiwas, noūson mijlan rikijan
26. Jesum Christum isstwen-
27. dan pogalbtou boūlai.
 
1. Stankīsman tēnti schis emprijkisins malnij-
2. kinks en swaiai pērgimie, empolijgu grīku, en mat-
3. tei kaigij gi mes erdērkts, bhe niskijstints ast, stesse-
4. paggan tans dijgi, stēison prābutskan gallan, bhe
5. perklantīsnan boūt bhe polāikt turrīlai. Teinu ad-
6. der, Deiws Tāws wissas etnīstis, bhe engraudīsnas
7. swaian Soūnon Christon, stēismu gāntsan swītan,
8. bhe tīt dijgi steimans malnijkikamans, ni massais
9. kai stēimans vremmans, potaukinnons bhe perteng-
10. ginnons ast, kawijds dijgi, stesse gāntsas switas
11. grijkans ast pūdauns, bhe stans gurīnans malnij-
12. kikans, ainawīdai titet, kai stans vrans, esse grī-
13. kans, Gallan, bhe perklantīsnan isrankīuns bhe
14. deiwūtai potickinnuns, bhe polaipinnons kāidi ten-
15. nans prēidin perpīdai, kai stai absignātai postanai.
16. Stessepaggan paskollē bhe madli as wans,
17. wissans, quai ious schai empijrint estei is Crixtiani-
18. skun mijlan, bhe auschaudisnan, kai ious stūrna-
19. wingisku prei sīru immati, bhe sen seilin pomīrit
20. quoitēti en kawīdsu debijkan powargsennien, bhe
21. nautien, schis malnijkiks, swaias prēigimnis, bhe
22. pērgimnis paggan embaddusisi. Sen isspressen-
23. nien, kai tāns ast, ains malnijks steisan grīkan, stei-
24. ses nierties, bhe nieteīstis, bhe kai stesmu nimassi
25. kittawidin pogalbton boūt, ter kai tans prastan
26. Crixtisnan is Deiwan naunagimton, bhe esse Dei-
27. wan, en ainassei malnijkas deicton esse nouson
28. Rikijas Jhesu Christi pausan enimts postānai.
 
 
1. Nostan subban tījt quoitīlaiti ious wans, em-
2. prīkisentismu malnijkikun, pirsdau Deiwan steismu
3. Rikijan, sen stūrnawiskan enimton, stansubban steī-
4. smu rikijan Christu preipīst bhe madliton, Tāns
5. quoitijlai stan prei etnīstin enimt steismu swaians
6. grīkans etpwērpt, bhe per ainan draugiwaldūnen,
7. stesses prabutskas, Dengniskans labbans ersinnat,
8. dijgi ni ains esse stēisan pikullis warrin, kawīds-
9. mu stes, stēison grīkas paggan pomests erkīnina,
10. Schlāit dijgi proston Swintan Nuseilin spartint,
11. kai tāns stesmu prēisiki, en gijwan bhe aulausenni-
12. en, dīrstlan emprijki stallīsnan siggīt, bhe enstesmu
13. prei Deiwūtiskan epwarīsnan erlaikūt massi
14. postāt.
15. Daiti noūmans tīt madlīt.
16. O Wissemusīngis Prābutskas Deiws
17. ains Taws noūson Rikijas Jesu Christi,
18. mes enwackēmai tien a {a adder /kērschan /schan-twai/an schlū-/snikin/} kirschan stan
19. twaian schlūsnikan, N. kawīds (ader
20. kawida) stan Dāian twaisai Crixtisnan
21. madli, bhe twaian prabutskan etnīstin,
22. prastan Naseilliwingiskan etgimsannien
23. poquoitēts, immais b {b adder /tennan/}
sten ensai rikijs, kāi-
24. gi tu assai billīuns, Madliti tijt wīrstai
25. ious immusis, Laukijti tijt wīrstai ious
26. aupallusis, klumstinaitai tijt wīrst iou-
27. mus etwiriuns. Tijt kackinnais teinu,
28. Prābutskas Deiwa, twaian labbiskan bhe
29. etnīstin c {c adder ste/ssiei quai/}
stesmu kas stwi madli, bhe etwer-

1. reis stan wartin d {d /adder /steisiei /quai/}
stesmu kas stwi klumsti-
2. nai, kai stas, (adder tenna) stan Prābut-
3. skan ebsignāsnan, twaias Dengniskas
4. spagtas sengijdi, bhe stan potaukinton
5. Rīkin twaisei etnīstin engaunei, pra Chri-
6. stum Jesum nouson Rikijan, Amen.
7. Daiti noumans tālis
8. Madlit.
9. Wissemusīngis prābutskas deiws,
10. kas tuo assai prastan auskandinsnan swi-
11. tas, notwaian drūcktawingiskan līgan,
12. stan nidruwīntin Swītan perklantīuns,
13. bhe stan Druwīngin Noe, subban Asman,
14. no twaian debijkan engraudīsnan islai-
15. kūuns,  bke stan pertrincktan Pharao, sen
16. wissan swaieis, en vrminan iūrin auskan-
17. dinnons, bhe twaian amsin Jsrael sausā
18. prastan prawedduns, senkawīdsmu sien
19. spagtun twaisei Swintan Crixtisnan pa-
20. reiīngiskai ebsentliuns, bhe enwaidinnons
21. stesmu polīgu, pra stan Crixtisnan twai-
22. as mijlas malnikas nouson Rikijs Jhe-
23. sum Christon, stan Jordānen, bhe wissans
24. vndans prei Deiwūtiskan austkandinsnan
25. bhe laimiskan aumūsnan stēisan grijkan
26. swintinninuns, bhe ensaddinnons.
27. Mes Madlimai tien, pra stan subban,
28. twaian gruntpowīrpun engraudīsnan,
29. tau quoitīlaisi a {a /adder /stan/} sten N. etnīwingiskai en-
30. dyrītwei, bhe sen tickran druwien en
31. Noseilien epdeiwūtint, Bbe pospartint
 
1. Bhe kai prastan rettīwingiskan auskan-
2. dinsnan, en b {b adder /stessie/} tennesmu auskiēndlai bhe
3. semmai ēilai, wissan ka c {c adder /tennēi/} stesmu esse Adam
4. engemmons ast, kai d {d adder /tennā/} tans dijgi, is stesmu
5. gīrbin steison nidruwīngin isklaitints ēn-
6. stan Swintan Arcan stēison Crixtiāni-
7. skun, sausai bhe senpackai polaikūts, Ai-
8. nat garrewingi en Noseilien, Wessals en
9. podruwīsnan, twaismu emnen schlūsilai,
10. Nostan kai e {e adder /tannā.} tāns, sen wissamans Dru-
11. wīngimans, twaisei potaukinsnas, Pra-
12. butskan gēiwan sengidaut musīlai pra Je-
13. sum Christum nouson Rikijan, Amen.
14. Daiti noūmans dijgi gērbt, stan mad-
15. lin kawijden noūmas noūson Rikijs Chri-
16. stus sups mukinnons, bhe polaipinsnan
17. dāuns prei madlit, bhe ni ter ains wissan
18. noūson bhe stēison malnijkas prewerīngi-
19. skan, enstēismu poteikūuns, Schlāits dij-
20. gi senstesmu noūmans arwiskai poklausij-
21. snan potaukinnons ast.
22. Gerbaiti stan Tawe
23. Nouson.

 
1. Stas Rikijs pokūnti twai-
2. an Eneissannien bhe iseis-
3. ennien Esteinu er en
4. prābutskan.

8. Mijlas ginnis en Christo, stan kīs-
9. man kai ioūs esse steisei a {a /adder stes/sies/}
N. Pauson astai
10. poquoitīuns kai b {b /  adder ten/na/} tāns ēnstan emnan Je-
11. su Christi, Crixtits, bhe prastan Crixti-
12. snan, ēnstan Swintan perōnien Deiwas
13. amsis enimts bhe enkermenints postānai,
14. Tīt ast ioūmas, kāigi Crixtiānimans ni-
15. auklipts, kāi, kawīds sien prēistan perō-
16. nin Crixtiāniskan kīrkin podāst, stas en-
17. dāst sien, en ainan Noseilewingiskan ka-
18. riausnan, enkawīdsmu mes ni sen mensan
19. bhe krawian, schlaīts sen stesmu wargan
20. noseilien, stans deinans noūson gijwis,
21. schien nosemmien preiūlint turrimai, kawī-
22. dan kariausnan, mes dijgi, schlāit tickran
23. Drūwien en Deiwan Tawan, Saūnan,
24. bhe Swintan Noseilien, ni isstallīt mas-
25. simai.
 
1. Nostansubban, stenkijsman ioūs
2. wans, is Crixtiāniskan mijlin bhe ginni-
3. skan, a {a adder /schissai ni-/anbillin-/tai/} schisses niaubillīntis N. enim-
4. mans, bhe stallēti pērdin, en schisman
5. ackewijstin Krixtiāniskan astin, Tyt quoi-
6. tijlaiti ioūs mennei en b {b adder en /stessias/} stessei, deicktan
7. attrātwei, Sēnku akiwijsti posinnāts
8. wīrst, nokan c {c adder /tennā.} tāns, Crixtits postānai.
9. N. ni emprīkinblli tou
10. stēismu Pikullan?
11. Attrāiti.
12. Ja as emprijkin billi?
13. Bhe wissan tennēisan
14. dijlan?
15. Attrāiti.
16. Ja as emprīkin billi?
17. Bhe wissan tennēisan
18. bausennien?

1. Attrāiti.
2. Ja as emprijkin bille?
3. N. Druwē tu en Deiwan tāwan Wissemukin
4. kas ast teikūuns dangon bhe Semmien?
5. Attrāiti.
6. Ja as Druwe.
7. N. Druwē tu, en Jesum Christum swaīan ai-
8. nangeminton Sounan, noūson Rikijan, kas po-
9. gauts ast esse Swintan Noseilin, gemmons esse
10. stan skijstan iumprawan Marīan, Stīnons po
11. Pontio  Pilāto, Scrijsits, Aulauuns, bhe enkopts,
12. Semmai līsuns prei Pickullien, en tīrtian deinan et-
13. skīuns esse gallan, vnsei gūbans nadangon, Sīdans
14. prei tickrōmien Deiwas, stesse wissemukin Tāwas
15. Stwendau wīrst pergūbons preilīginton, stans geī-
16. wans bhe Aulausins.
17. Attrāiti.
18. Ja, as Druwē.
19. N. Druwē tu ēnstan Swintan Noseilin Ai-
20. nan Swintan Crixtianiskan kīrkin, aīnan perōni-
21. skan Swintan, Etwerpsennian grīkan, bhe ainan
22. Prābutuskan geīwan.

1. Attrāiti.
2. Ja, as Druwē.
3. N. Quoi tu nostan Crix-
4. tits postāt?
5. Attrāiti.

10. N. As Crixtia tien, ēnstan Emnan Deiwas
11. Stesse Tāwas, Bhe stesse Soūnas, Bhe stesse
12. Swintan Noseilis.

14. Stas Wissemusīngis Tāws, noūson Rikijas
15. Jesu Christi, kas tien N. kittewidiskai, prastan vn-
16. dan bhe stan Swintan Noseilien gemmans bhe teb-
17. bei wissans twaians grikans, pra swaian mijlan
18. Soūnan noūson Rikijan Jhesum Christon etwiēr-
19. pons ast, stas spartinno tien, sen swaian etnīstin,
20. prei Prābutskan geīwan, Amen.
 

6. Jous milijtai en Christo Jhesu, stan kīsman
7. stas wissemukin Deiws, schien Malnijkan prēistan
8. Crixtisnan, Noūsan mijlas Rikijas Jhesu Christi,
9. ast etnīwings pereit dāuns, turrimai mes tenne-
10. smu, Pogirschnan bhe Dinkausnan billītwei, bhe
11. madlit, kai tāns sebbei quoitīlai, stan malnijkikan
12. en wissan etnīstin polaipinton dat bout.
13. Bhe billītei pōmien tittet.
 
14. Wissemusīngis Engraudīwings Deiws bhe
15. Tāws, Mes billēmai tebbei pogirsnan bhe dīnckun
16. kai tu twaias kīrkis etnīwingiskai islāiku, bhe tūlni-
17. nai, bhe schismu Malnīku polīkins assei, kai tāns,
18. prastan Swintan Crixtissennien, etkūmps nauna-
19. gemmans, Bhe twaiāsmu mīlan Soūnan, noūsmu
20. Rikijan, bhe ainesmu Rettēnikan, Jesu Christu, en-
21. kērminints, twais malnijks bhe waldūns, twaisei
22. Dengenneniskans labbans postāuns ast.

1. Mes madlimai tien, gantzei poklusmingiskan, kai
2. toū schien malnijkan, kas teinū toūls twais mal-
3. neyks postāuns ast, prei stēisei pogauton labbaseg-
4. gīsnan, Etnīwingiskai pakūnst quoitīlaisi, prei Po-
5. girrien bhe Teisin twaias Swintan Emnen, tans
6. dijgi nostan, vcka isarwiskai bhe Deiwa deiwūtskai
7. poaugints postānai, bhe enwāngiskan, stan potau-
8. kinton weldīsnan en Dengan, sen wissans Swinti-
9. ckens engaunai, pra Jesum Christum, Amen.

12. Stas Rikijs ebsignāsi wans,
13. bhe pokūnsi wans.
14. Stas Rikijs poswāigstinai swai-
15. an Prosnan kirschewans, bhe
16. boūse ioūmas etnijwings.
17. Stas Rikijs erlāngi swaian
18. Prosnan nowans bhe dā-
19. sai ioumas packaien
20. AMEN.